開心魔法

星期六晚, 我地進行左一次唔健康的親子活動:  一家人坐定定睇電視

仲要唔係睇咩大製作, 或者係咩親子電影, 只係一套電視播的舊電影<<開心魔法>>

小時候無法去戲院睇電影, 和爸媽喺屋企睇呢D"合家歡"電影已經係最開心, 最relax, 同埋最好的娛樂了。想不到依家同仔仔一齊睇, 原來佢都係同我細個時一樣咁開心。

2013 西貢戶外康樂中心

日期: 2013年10月20日

地點: 西貢戶外康樂中心 - 日營

人物: 令仔仔X2 ; 令女女; 令媽咪X2 ; 令仔DaddyX2 ;  令婆婆

之前試過鯉魚門渡假村宿營, 今次就去下呢個一樣係康文署管理的西貢戶外康樂中心玩下, 康樂室門外show哂當天有得玩的活動, 我覺得好方便wow:

  

當日我地約十時就到左營地, 不過營地的活動全部都係由11:00先開始架. 所以我地首先去室外的兒童遊樂場hea一陣..

2013沙田萬佛寺

地點: 沙田萬佛寺

日期: 2013年10月6日

上星期行完手指山，行山行上引，所以尋日上左萬佛寺, 同上星期一樣, 一開始上山的時候我地係行錯路架.

我入左排頭村先上山所以遠左, 正確應該係沙田政府合署後面上, 見到d佛像一路行上去就到了:

 

2013坪洲半天遊

日期：2013年10月1日

人物：令嫲嫲，令仔Daddy，令媽媽，令仔仔

二年級開學左一個月, 發覺功課真係多左, 壓力大左, 所以趁呢個少少的假期, 我地又要出動喇, 今次揀左去一個比較少人去的坪洲:

喺中環坐12:00快船, 半個小時就到左坪洲喇, 同長洲, 南丫島都好唔同, 坪洲無咩賣手信, 小食的鋪頭, 我地都見唔到海鮮酒家, 不過帶住呢對為食兩仔爺, 點都要食少少野先, 於是就食左一間小小的越南食店+一隻烤魷魚. Yummy!!

  

2013挪亞方舟之旅

日期: 2013年8月31日至2013年9月1日

人物: 令仔Daddy x 2, 令仔仔 x 2, 令媽媽 x 2, 令女女x 1, 令婆婆 x 1

住宿:  挪亞方舟酒店八人房


知道左挪亞方舟有八人房之後, 心思思總動員去玩一晚,咁當然事前都少不了要上網search下酒店的設施呀, 環境呀咁, 不過都係資料唔多, 尤其關於八人房入面的情況都係無咩information, 所以今次影多幾張房入面的相:

入門口兩邊係洗手間+浴室, 即係有兩個洗手間+兩個浴室, 房入面總共有4張上下隔床, 中間一張長枱, 有一樽大的蒸餾水, 一個電熱水壺, 有個小小的電視機:
  

2013上海之旅- Day 4

今天抄小路去豫園, 經過上海人家的"弄", 無可避免地都經過埋上海人家的衣物..hehehe, 另外更驚喜的係牆上的壁畫, 好靚呀!

  

呢幅好值得大家鼓掌:

2013上海之旅- Day 3

今日一早又去番酒店附近的豫園商城/城隍廟小食街食早餐.

今朝食的係中價南翔小籠,可能好多人都知南翔小籠每一層賣的小籠包的價錢都唔同的,地下一層賣外賣的常常有好長的人龍, 今日都唔例外, 所以我地買唔到最平的, 於是上左一層,食中檔次的小籠