馬鞍山濾水廠開放日

日期：2013年12月7日
人物：令仔Daddy，令仔仔，令媽媽

多謝朋友仔比飛我地，成就呢一次非常有教育意義的事情。

水務處的安排我覺得好正呀！有專車喺馬鞍山市中心接駁入去濾水廠的，因為參觀人數唔多，差不多一去到車站就可以上到車，車程只係5分鐘左右。
 



入到去濾水廠首先係睇一後關於香港的供水系統的短片，跟住就係實地參觀濾水廠的運作：

首先係聽下果度D叔叔講解濾水的過程：

     

跟住就睇實物喇：

 























呢個步驟係將來自水塘的水的泥塵由細變大，原來真係好污濁下架：

經個一輪工序之後的水真係好乾淨呀：

過濾之後得到的淤泥會運到呢到做成泥餅再棄置：

  

濾水廠的主控制室：

最後就係不同水務處的工作人員介紹佢地平時用到的儀器，好詳盡架：

令仔仔覺得呢個參觀行程好好，佢知道左好多野。爸爸媽媽當然係無投訴啦，亦都非常多謝一班用心攪呢個開放日的人士，希望第時有機會再去其他的濾水廠參觀。

後記：

令仔仔喺參觀其間問我地以下問題：

1. 我地交的水費係唔係去左呢到?

2. 呢到返工係唔係好好?

3. 係唔係每一個人只係負責做一樣野?

佢嘅結論係：我大個想喺呢度返工，專門做鏟起D泥餅果個。