文化交遊@重慶大廈

日期：2013年12月15日 ( 2：30 - 4：30 )
地點：重慶大廈

人物：令仔Daddy,令媽媽，令仔仔

講出來慚愧，我咁大個人都未入過重慶大廈架，覺得係一個好危險的地方。難得今次有志願團體帶隊，我地膽粗粗入左去一次：




一團人大概有8-10個家庭左右，由3位領隊姐姐+1位影相哥哥帶住，首先喺地下一層行下。

地下的一層，大部份係賣電話的鋪頭同埋大量的找換店。領隊姐姐話呢到大概係全香港最多找換店的地方。人太多的原因，地下一層我無影到相。

之後就上一層去到呢間印度雜貨鋪：


果度賣的貨品我地係從來都無見過架：

     

        

雜貨鋪的老闆已經喺香港住左4X年喇，一口流利的廣東話同我地介紹佢鋪頭的野，任我地影相，不過係完全無叫我地買野架。超讚呀！

然後就係吃土耳其+巴勒斯坦菜的下午茶：

 

食物都係領隊幫我地order的，所以我係完全唔知圖入面果D係叫咩名架。只係知道味道好特別，對我來講唔算arm胃口，不過都幾好食wow！連奶茶的味道都好特別架！

喺食野其間，領隊同我地講解關於重慶大廈、關於膚色種族的問題，仲邀請左由西非來的政治庇難者同我地分享佢地的故事。大人聽完故事，小朋友就同另一位哥哥一齊玩非洲鼓。只可以講，無想過呢次活動係咁充實的。



見到領隊所派發的小冊子，原來仲有好多checkpoints，希望將來有機會再跟佢地睇多D，知多D，學多D。