開心魔法

星期六晚, 我地進行左一次唔健康的親子活動:  一家人坐定定睇電視

仲要唔係睇咩大製作, 或者係咩親子電影, 只係一套電視播的舊電影<<開心魔法>>

小時候無法去戲院睇電影, 和爸媽喺屋企睇呢D"合家歡"電影已經係最開心, 最relax, 同埋最好的娛樂了。想不到依家同仔仔一齊睇, 原來佢都係同我細個時一樣咁開心。













最抵C仲係我教埋個仔佢阿媽我最勁的溫書秘技: 一邊睇電視, 一邊做功課/溫書. wahahahaha

方法如下:

1. 準備電視機一個, 有大人同細路都like的電視上影中.
2. 開定張枱放喺電視機前面.
3. 加埋功課/要溫的書數份.
4. 睇電視, 賣廣告時即刻做功課/或溫書. 呢個方法用於英文科/或串字最好.

致於後果係點就要自己領略喇..HEHEHE

我小時候靠呢個方法睇盡無數卡通片, 咩Touch呀, 橙路呀, 魔神英雄傳呀, 鬼太郎呀都有得睇架. 當然亦都經歷左不同的人生體驗啦, 包括默書唔合格呀, 比阿媽打呀咁上下啦.

講番套戲, 有吳尊, 有吳京, 我當然無投訴啦! 不過令爸爸就睇到訓哂咁, 令仔仔相反仲非常投入, 到第二朝仲同我地討論五行相生相克tim!

水生木 - 水令植物生長;
木生火 - 鑽木取火;
火生土 - 古時的人燒樹林而得土地;
土生金 - 金屬多埋於礦洞(土)入面;
金生水 - 金生麗水;

水克火 - 水可以熄滅火;
火克金 - 火能熔金;
金克木 - 斧頭等利器可破開木材;
木克土 - 植物破土而生;
土克水 - 水來土淹;

傾左好耐, 又上網搵左資料, 呢堂通識課好正呀...