文化交遊@重慶大廈

日期：2013年12月15日 ( 2：30 - 4：30 )
地點：重慶大廈

人物：令仔Daddy,令媽媽，令仔仔

講出來慚愧，我咁大個人都未入過重慶大廈架，覺得係一個好危險的地方。難得今次有志願團體帶隊，我地膽粗粗入左去一次：

樟木頭老人渡假中心

日期：2013年12月8日

地點：烏溪沙樟木頭老人渡假中心

人物：太多，不能盡錄

令婆婆過去半年開始學畫畫，跟住又學太極球(唔係好肯定係唔係咁叫)，再又跟住又學其他。佢去學野的地方亦都被佢形容到不知幾好，為左令我地都知有幾好，佢就報左呢個活動叫我地一齊參加喇。

 

馬鞍山濾水廠開放日

日期：2013年12月7日
人物：令仔Daddy，令仔仔，令媽媽

多謝朋友仔比飛我地，成就呢一次非常有教育意義的事情。

水務處的安排我覺得好正呀！有專車喺馬鞍山市中心接駁入去濾水廠的，因為參觀人數唔多，差不多一去到車站就可以上到車，車程只係5分鐘左右。
 



入到去濾水廠首先係睇一後關於香港的供水系統的短片，跟住就係實地參觀濾水廠的運作：

首先係聽下果度D叔叔講解濾水的過程：

     

跟住就睇實物喇：

 























呢個步驟係將來自水塘的水的泥塵由細變大，原來真係好污濁下架：

經個一輪工序之後的水真係好乾淨呀：

過濾之後得到的淤泥會運到呢到做成泥餅再棄置：

  

濾水廠的主控制室：

最後就係不同水務處的工作人員介紹佢地平時用到的儀器，好詳盡架：

令仔仔覺得呢個參觀行程好好，佢知道左好多野。爸爸媽媽當然係無投訴啦，亦都非常多謝一班用心攪呢個開放日的人士，希望第時有機會再去其他的濾水廠參觀。

後記：

令仔仔喺參觀其間問我地以下問題：

1. 我地交的水費係唔係去左呢到?

2. 呢到返工係唔係好好?

3. 係唔係每一個人只係負責做一樣野?

佢嘅結論係：我大個想喺呢度返工，專門做鏟起D泥餅果個。

2013 爬樹屋

時間：2013年11月30日 (上午10時至下午4時)

地點：樹屋田莊

之前一路唔知原來香港都有樹屋的，因緣際遇下，今次我從另一個媽媽手上買了3張團購coupon。又去玩喇...Wahahahhaa

田莊的環境：

 

用嚟放火嘅?

好靚的花花：

今次我地係由大埔市中心坐小巴入去呢個田莊的..咁跟住路牌行其實都唔太難搵架..入到去10：30分開始就有工作人員介紹一日的活動流程，11:00就正式開始玩喇。

全日的活動係跟任program玩的，每一節大概一小時，同一日團購的有70人，我仲見到有另一個包團的。不過每次同一個活動只有35人。所以玩的時候都唔駛驚玩唔到呀，或者要爭呀咁。

我地果日的program係咁架：

11:00 爬樹屋

12:00 落田耕種

13:00 午飯時間

14:00 橫水渡

15:00 自製再造紙

首先係我地最想玩的爬樹屋：

       

令仔Daddy同令仔仔都好enjoy呀：

最刺激係呢下：

我無玩，張飛比左令仔仔玩多次，佢真係超超超開心呀。

樹屋之後就同果度的哥哥體驗下落田的工作，哥哥講解完一輪有機耕種的野同埋農夫的工作之後，先開始比小朋友試，我覺得好好wow：

   

一輪工作同勞動之後就到午飯的時候了，團購係包埋呢個午餐的，不過份量真係好少，令仔仔同令仔Daddy都唔夠飽。好多家庭都有再買杯麵，不過我地唔好杯麵，所以就食埋自己預先準備的乾糧，頂全肚先啦。

食完午餐之後再去睇下周圍的植物，影左綿花咋：

再之後就去左試橫水渡，仔仔自己玩左一次，再同我玩多一次，原來都要幾用力拉先可以郁到架，仲有，呢一個小時的活動入面，果位大隻哥哥咁樣浸住水陪玩，有保護衣不過我諗都幾凍架，真係辛苦哂喇。

呢日最後的一個項目就係自製再造紙。大家都獲派一張免費報紙同一套石磨，然後就係 "met, met, met"，磨磨磨，再倒模，壓榨.....

 登登登登！我地3個的製成品呀：

成個流程都好順，我地完成之後真係arm arm 4 點鐘要走了。

田莊的活動呀，環境呀都好好。唯有就係個午餐份量真係太少了。仲有就係如果怕貓狗的就未必可以去玩喇，因為佢地有3隻貓貓大使，我地見到的一隻成日反轉個肚想我地幫佢R肚腩架，hehehhe，仲有2隻狗狗，不過狗狗係縛住的。