2013挪亞方舟之旅

日期: 2013年8月31日至2013年9月1日

人物: 令仔Daddy x 2, 令仔仔 x 2, 令媽媽 x 2, 令女女x 1, 令婆婆 x 1

住宿:  挪亞方舟酒店八人房


知道左挪亞方舟有八人房之後, 心思思總動員去玩一晚,咁當然事前都少不了要上網search下酒店的設施呀, 環境呀咁, 不過都係資料唔多, 尤其關於八人房入面的情況都係無咩information, 所以今次影多幾張房入面的相:

入門口兩邊係洗手間+浴室, 即係有兩個洗手間+兩個浴室, 房入面總共有4張上下隔床, 中間一張長枱, 有一樽大的蒸餾水, 一個電熱水壺, 有個小小的電視機:
  



所有普通酒店有的野,例如毛巾, 牙刷, 沐浴露呢d, 呢到都有.每邊的洗手間+浴室係咁樣架:
   


房外面係一個共用的平台, 可以望到青馬橋, 好靚呀:
 


喺酒店房settle左之後我地就去左沙灘玩, 依家馬灣呢個沙灘係正式的康文署沙灘嚟架.所以係有救生員當值的, 挪亞酒店通去沙灘的門口仲要係24小時開放的, 我覺得好方便呀:


由於一早已經book左酒店房, 所以我地都團購左方舟入面的自助餐,平平地所以都唔會有咩名貴的食材, 不過食物款式都幾多, 仲有我最like的BBQ檔:



食飽飽再出沙灘影下夜景先返上房ZZZ, 好嘆呢!!!

第二朝起身都係喺番夜晚食自助餐的同一間餐廳食自助早餐, 不過同晚餐比真係差好遠, 只係好一般的普通早餐, 有麵包, 粥, 炒麵, 炒蛋, 麥皮. 不過呢間酒店價錢平, 我地都無咩所謂啦.


好多人都會覺得挪亞方舟入面的展館比較沉悶, 不過我地覺得都可以的,有動物睇下d小朋友已經會好開心架喇. 今次我地仲好好運, 挪亞方舟原來暑假有"明日智叻星"呢個活動, 已經包左喺入場卷入面, 唔駛再比錢:
 

下面呢兩個係小演員同小配音員訓練, 估唔到唔駛錢都咁認真做, 之後佢地仲有send番條片比我地, 抵讚:
 

呢兩日一夜的行程, 用+食+訓+玩, 8個人都係用左$4000, 真係平過去廸廸尼好多好多呢!!!!!..HEHEHE..

下年一定再encore!!