灣仔營地露營初體驗

過左去的星期六，日參加左一個露營團，好貴 (大人$350, 小朋友$320)。

不過好一家3口都未去露營，又希望可以比小朋友參加下集體活動同其他小朋友一齊玩下，忍痛報左名。

過程入面有好的經驗，有不好的經驗。主辦的單位有好用心的地方，亦都有要改善的地方。不過今次我地要多學習的目標已經達到了，小朋友好開心亦都有所得著，其他事都無所謂啦。

團隊大約兩點半喺西貢碼頭集合，目的營地係西頁的灣仔營地，除左自己的物品，亦都要幫手分擔大家一齊用的野架。

大約3點去到，已經好多人喇，令仔Daddy好型呀!
 

營地有好方便的水源，洗手間，淋浴間架:


Settle左之後，就開始煮野食喇，一邊煮，一邊食，有好多營具我地都係第一次見咋，大會的準備都好專業，當晚食左餃子，羅宋湯腸仔長通，魚蛋同菜：


出發之前，朋友已經預告左我地夜晚係無得訓了，果然到夜晚的時候好難入睡(令仔仔除外)。首先我地發覺左鄰右舍的聲音我地會聽得好清楚，大概半夜一點，又聽到有牛牛入左營地搵野食，所以到大約兩點，伴隨著大風吹營帳的"發發"聲，兩個大人終於訓著。

半夜一點的牛牛：


晨早6:30，令仔仔就起身喇。無耐之後，就到牛媽媽同牛仔鬧鐘到營地叫各位營友起身：


第一次食個仔親手煎的蛋


趁無雨出哂嚟夜風箏：


好難忘的體驗，唔算得上好開心因為睇唔到星星同埋有D事不太如意。不過我地點都想再去架。