人物: 令仔Daddy, 令仔仔, 令媽媽
航班: 國泰 CX 739 (起飛: 11:20; 到達: 15:05)
一直都有留意Club Med, 不過又實在係太貴所以無試過, 今年4月見到有promotion第二個成人半價, 心思思又見有人去過極力推薦, 決定試一次.
因為習慣左自由行, 出發前都要做頗多準備功夫, 報名之後到出發前個心都好唔踏實咁, 一路戰戰兢兢咁對住張行程表, 心一路想: 真係咩都唔駛理又咁順利?!
到達新加坡機場之後, 一出閘就見到有人舉牌接我地機, 真係咁大個女都未試過呀..
之後司機就車我地去碼頭 (由機場去碼頭約10分鐘車程), 再幫我地攞船飛, check in行李, 我地自己過出入境, 好快就可以上船喇
印尼的時間比新加坡慢一小時, 所以45分鐘的船程就變左(-15分鐘)喇.
一出印尼海關又見到Club Med的counter了, 匙卡亦已一早ready, 我地攞左卡, 放低行李就可以上車向渡假村出發了
Main Building:
一到達resort, 就有一班G.O.喺門口迎接我地, 其中一個GO手持著一個寫住"廣東話"的牌, 我地二話不說就衝埋去啦
, 佢叫做Niki, 嚟緊幾日我都會認住佢架.
, Niki 同我地簡單講下有關渡假村入面玩同食的資料, 然後同我地去我地住果座building, 攞左房之後就走喇酒店房:
房間露台對出+我地住果座的外觀:
呢到的裝修, 房間入面的豪華度同澳門式豪華5星級絕對有一段距離架, 房間入面的傢俱, 設備等等都有d舊tim架, 最奇怪係馬桶喺一日房, 而浴室和洗手盤係另一間房.不過, 房間的舒適度同清潔度我覺得可以呀. 由於今次係親親大自然之旅, 所以旅程上都會見到形形色色的野生動物, Resort 入面最常見的係壁虎(四腳蛇), 不過甲甴呀, 螞蟻呀, 鳥蠅呀果d我地都無見過, 連我最擔心的蚊都非常少, 令仔仔成個trip只係得一粒蚊"爛"咋..
由於今次的行程只係每日的吃喝玩樂, 當中無交通,行程安排呢D項目, 所以今次的Blog 唔會分日數寫, 改為分不同的作題寫
沒有留言:
張貼留言